Terangi Inget-ten

Oleh : Wienku Genantan

Kirip ni jema dem si selesei, kirip diri i sagi ni mata si kuwen kiri nge keruping, gere i iroi. Munengon peropohen ni jema sawah tekok ke, opuh diri dabuh pakek nk "you can see". Lipet ni delah ni jema dem si jegei, polok ni jejari orum tikel berpalit i bibir diri nge sawah obehe gere i rasai ku diri. Ayat orum hadis i perin ne kin penjege orum muperalai diri, jolok bengkon jerohen so koteken ini, i amuhen so i tuhen ini, oya kin pengenal ni pangkat orum rejeki.

Tulok orum jejari nge sawah jerame nge lagu we si betul diri. Ike morum rum si diri-diri e, oya cerak belangi galip memuji diri oya pelin si cecari.

Nengoni empus ni jema mubilangi uah kupi, empus diri nge sawah karite, cabange pe nge mu umah ni kalang, tanoh e pe nge kin umah ni rempilong. Niri ni jemani dem si atur te ke rupen diri terih kona wih nge nuhur ne sawah nge piyen tun Ni.

Agih enti enti neh ogoh ni jema i peperi, ogoh diri kelkupen ulu teridah uki, dele ilen i tubuh ni diri si i bersih orum gelah beniri. I teduhen gere dalih galip munos kekediken orum beje si keruti ari semelah ni peruluken ni empus kupi.

%d blogger menyukai ini: